700 мыңға жуық қазақстандық зейнетақы қорындағы қаражатын үй алуға, емделуге, иә болмаса жеке қаржы компанияларының басқаруына бере алады. Бұл азаматтар зейнетақы қорынан 1,4 триллион теңгесін алуға мүмкіндіктері бар. Бүгін Мәжілістің жалпы отырысында Ұлттық экономика министрі "Заңнамалық актілерге экономикалық өсуді қалпына келтіру мәселелері бойынша өзгерістер мен толықтырулар енгізу туралы" Заң жобасын таныстырды. Руслан Дәленов қоғамда қызу талқыланған құжат біраз мәселені қамтитынын жеткізді. Осыған байланысты 81 заңнамалық актіге, соның ішінде 14 кодекс пен 67 заңға өзгерістер мен түзетулер енгізіледі екен.